....
ഇതൊരു കാലം, കലികാലം
മുഖപുസ്തകം വാഴും കാലം,
സൌഹൃദത്തിന്‍ പുതുകോലം,
മനസ്സിന്റെ മറക്കോലം
ആഹരിക്കാനാര്‍ക്ക് നേരം
ആരാധിക്കാനാര്‍ക്ക് നേരം,
തുറന്നാലവനഹങ്കാരം,
അലസനാണതു നേരും
ലൈക്കിനായി തെണ്ടിനോക്കും
കിട്ടാഞ്ഞായാല്‍ തോണ്ടിനോക്കും
ഒന്നുകൂടി മുട്ടിനോക്കും
ചോദിച്ചാലോ ഒരു മുട്ടിപോക്കും
ആപ്പുകളാല്‍ വിഹരിക്കും
ആപ്പുകളില്‍ കൊണ്ട് ചേര്‍ക്കും
ആപ്പിലെങ്ങാന്‍ വീണ് നോക്കൂ
സല്‍പേരവന്‍ തന്നാപ്പിലാക്കും
ടാഗ് കൊണ്ടുപദ്രവിക്കും
ഹാഷ് കൊണ്ടോ കൂട്ടിച്ചേര്‍ക്കും
അറ്റ് വെച്ചവന്‍ മാടിവിളിക്കും
പോക്ക് കൊണ്ടോ തോണ്ടിനോക്കും
പെണ്‍കിടാങ്ങള്‍ക്കൊരു മോഹം
ആണ്‍കിടാങ്ങള്‍ക്കതും ദാഹം
മാതാവിനോടില്ലാ സ്‌നേഹം
ഷെയര്‍ ചെയ്യും ഇതു ഗേഹം
Excellent
ReplyDelete